Մելանյա Թրամփի ոճային արշավը շարունակվում է. ԱՄՆ առաջին տիկնոջ կերպարները՝ Իտալիայում և Բելգիայում (լուսանկարներ)

Միացյալ Նահանգների առաջին տիկին Մելանյա Թրամփն ամուսնու հետ առաջին նախագահական շրջագայության ընթացքում շարունակում է այցելել տարբեր երկրներ՝ յուրաքանչյուր նոր վայրում ներկայանալով իրեն բնորոշ ոճայնությամբ:

Ինչպես նշում է The Daily Mail-ը, երեկ Դոնալդ և Մելանյա Թրամփերն այցելել են Իտալիա: Վատիկանում նախագահական զույգը հանդիպել է Հռոմի պապ Ֆրանցիսկոսին:

Կաթոլիկների հոգևոր առաջնորդի հետ հանդիպման կապակցությամբ ԱՄՆ առաջին տիկին Մելանյա Թրամփը հագնվել է հավուր պատշաճի՝ ծնկից ներքև սև ժանյակավոր զգեստ, նրբագեղ սև քող և, ընդհանուր առմամբ, շատ զուստ և էլեգանտ տեսք է ունեցել:

Այնուհետև 47-ամյա առաջին տիկինն առանց զգեստափոխվելու այցելել է Վատիկանի մանկական հիվանդանոց, հանդիպել բուժվող երեխաներին, լուսանկարվել, խաղացել ու զրուցել նրանց հետ:

Ավելի ուշ նախագահական օդանավը վայրէջք է կատարել Բելգիայի մայրաքաղաք Բրյուսելում, որտեղ ԱՄՆ առաջին տիկինը կրկին ներկայացել է դասական ոճով՝ սև ու սպիտակ վանդակավոր կոստյում՝ համադրված սազական բարձրակրունկներով:

Բրիտանական պարբերականը նկատում է, որ այս շրջագայության ընթացքում ԱՄՆ առաջին տիկնոջ բոլոր ոճային ընտրությունները հաջողված են եղել: