Մաքգրեգորը Սերոնեի հետ մենամարտի ամեն վայրկյանին գրեթե 2 միլիոն դոլար է վաստակել (տեսանյութ)

Հայտնի է դարձել UFC մարտարվեստի նախկին չեմպիոն Քոնոր Մաքգրեգորի վաստակած ընդհանուր գումարն ամերիկացի Դոնալդ Սերոնեի հետ անցկացրած մենամարտի համար: Այս մասին գրում է championat.com-ը:

Քոնորը UFC 246 մրցաշարում մենամարտի արդյունքում վաստակել է շուրջ 78 միլիոն դոլար, գրում է Lad Bible-ը:

Հունվարի 19-ին Մաքգրեգորը 40 վայրկյանում նոկաուտի էր ենթարկել Սերոնեին և վերադարձել տիտղոսի համար պայքարին:

Ավելի վաղ հայտնի էր դարձել, որ Instagram սոցկայքում տասնյակ միլիոնավոր հետևորդներ ունեցող Դեն Բիլզերյանը խաղադրույք է կատարել UFC 246 մրցաշարում իռլանդացի Քոնոր Մաքգրեգորի և ամերիկացի Դոնալդ Սերոնեի մենամարտի համար և 1 մլն դոլար կորցրել:

Բիլզերյանը խոշոր խաղադրույք էր կատարել Սերոնեի հաղթանակի վրա: