Լեհական գյուղ, որտեղ տները «պատված» են գունավոր ծաղիկներով (լուսանկարներ)

Լեհական Զալիպյե գյուղի բնակիչներից մեկը վառարանի առաջացրած մրի հետքերը ծածկելու համար ծաղիկ է նկարել առաստաղի վրա: Այն ժամանակներում օդափոխությունը վատ վիճակում է եղել, և տների մեծամասնությունում մրի հետքերը սովորական երևույթ են եղել: Այսպիսով՝ մարդիկ սկսել են նույն կերպ ծածկել դրանք, մինչև ամբողջ տունը պատվել է ծաղիկներով:

Վերջիվերջո գյուղում ամեն ինչ «ծածկվել է» ծաղիկներով` տներից և գոմերից մինչև կամուրջներ և եկեղեցիներ:

Boredpanda-ն գրում է, որ 1948 թվականից ի վեր ամեն գարուն գյուղում անցկացվում է Նկարազարդված տների մրցույթը, որը գրավում է զբոսաշրջիկների և լեհական այլ քաղաքների ու գյուղերի բնակիչների ուշադրությունը:

Նշվում է, որ Զալիպյեն գտնվում է Կրակով քաղաքից 90 րոպե հեռավորության վրա:

tert.am