2019-ի վերջին խաղն Անգլիայի առաջնությունում

Ստացվեց այնպես, որ 2019 թվականի վերջին խաղը Անգլիայի պրեմիեր լիգայում տեղի ունեցավ Մանչեսթերում, որտեղ Մանչեսթեր Սիթին ընդունեց այս առաջնության անակնկալ Շեֆիլդ Յունայթեդին:

Բոքսինգ դեյի երկրորդ տուրի, Երկրորդ շրջանի առաջին տուրի վերջին եւ 2019-ը թվականի վերջին խաղն ավարտվեց մանչեսթերցիների հաղթանակով՝ 2:0 հաշվով:

Բոքսինգ դեյի երկրորդ տուրում պարտվեց Արսենալը, հաղթեց Չելսին, Տոտենհեմը մի կերպ ոչ-ոքի խաղաց վերջնապահ Նորվիչի հետ, սկզբունքային եւ շատ կարեւոր խաղում Վոթֆորդը 3:0 հաշվով հաղթեց Աստոն Վիլային, հաղթանակներ տարան Մանչեսթեր Յունայթեդը, Լեսթերը եւ առաջատար Լիվերպուլը:

2019-ը թվականի ամենավերջում մրցաշարային աղյուսակն ավելի քան վստահ գլխավորում է Լիվերպուլը, որը երկրորդ եւ երրորդ տեղում գտնվող Լեսթերից եւ Մանչթեսթեր Սիթիից առաջ է անցել համապատասխանաբար 13 եւ 14 միավորով, բայց դեռ մի խաղ էլ պակաս է անցկացրել: Ավելին, Լիվերպուլն իր բոլոր խաղերն ավարտել է հաղթանակով, իսկ մեկ խաղ ավարտել ոչ-ոքի:

Չորրորդ տեղում Չելսին է, որը չորս միավորով պոկվել է Մանչեսթեր Յունայթեդից:

Վերջին երեք տեղերը զբաղեցնում են Աստոն Վիլան, Վոթֆորդն ու Նորվիչը, բայց այնպես չէ, որ նրանց վիճակն անհուսալի է: Նրանց շատ մոտ են գտնվում Սաութհեմփթոնը, Բորնեմուտն ու Վեսթ Հեմը:

Top-News.am