Մինո Ռայոլան Էրլինգ Հոլանդի տրանսֆերից ստացել է 15 միլիոն եվրո

Նորվեգացի հարձակվող Էրլինգ Հոլանդի տրանսֆերի համար Դորտմունդի «Բորուսիան» ավստրիական «Զալցբուրգին» վճարել է 45 միլիոն եվրո։ Այդ գումարից 15 միլիոն եվրո ստացել է 19-ամյա ֆուտբոլիստի իտալացի գործակալ Մինո Ռայոլան, 10 միլիոն եվրո՝ Հոլանդի հայրը, 20 միլիոն եվրո՝ «Զալզբուրգը», հաղորդում է gazetta.it-ը։

Բրիտանական մամուլը գրել էր, որ անգլիական «Մանչեսթեր Յունայթեդը» հրաժարվել էր Հոլանդի տրանսֆերից Ռայոլայի եւ ֆուտբոլիստի հոր ֆինանսական պահանջների պատճառով։

Հոլանդը «Բորուսիայի» հետ կնքել է 4,5 տարվա պայմանագիր։ Ավստրիայի ընթացիկ առաջնության 14 խաղում նա խփել է 16 գոլ, Չեմպիոնների լիգայի 6 խաղում՝ 8 գոլ։