Սերժ Թանկյանը ռուսական ֆիլմի համար երաժշտություն է գրում (լուսանկար)

«Sistem of a Down» հանրահայտ խմբի հայ վոկալիստ Սերժ Թանկյանը որպես կոմպոզիտոր միացել է «Կոլովրատի մասին լեգենդը» ֆիլմի նախագծին: Ինչպես տեղեկացնում է «Ցենթրալ Փարթներշիփ» կինոընկերությունը, Թանկյանը վաղուց էր ցանկանում էպիկական ֆիլմերի համար երաժշտություն գրել, և սա լինելու է իր առաջին փորձը կոմպոզիտորի կարգավիճակում:

«Ես արդեն մի քանի ամիս աշխատում եմ «Կոլովրատովի մասին լեգենդը» ֆիլմի համար: Երազել եմ այսպիսի նախագծերում աշխատել և հպարտանում եմ դրանով։ Միաձուլել նվագախումբը, խենթ ռոքը և ազգային երաժշտական մոտիվները։ Այս հարցում իմ երազանքը կատարվեց»,-նշել է Սերժ Թանկյանը:
Ֆիլմում 6 երաժշտական պատմություն կա, որի մի մասը էլեկտրոնային է, իսկ գործիքային մասը «Sistem of a Down» խումբը գրելու է առանձին:
Ֆիլմի ռեժիսոր և պրոդյուսեր Ջանիկ Ֆայզիևն ասել է, որ Թանկյանն ստեղծել է մի այնպիսի երաժշտություն, որը կարելի է դասել լավագույն կինոերաժշտությունների շարքում:
Ֆիլմի երաժշտության աշխատանքները կավարտվեն 2017թ․ ամռանը։ Այն էկրաններին կբարձրանա նոյեմբերի 30-ին:
7or.am