Վիդալը մեղադրում է «Բարսելոնային» ու գումար պահանջում

Ինչպես տեղեկացնում է ABC-ն, «Բարսելոնայի» կիսապաշտպան Արտուրո Վիդալը մեղադրում է կատալոնական ակումբին իր բոնուսները չվճարելու համար:

Աղբյուրի փոխանցմամբ՝ չիլիացին հավելյալ 2.4 միլիոն եվրո է պահանջում «Բարսայի» ղեկավարներից. ըստ ֆուտբոլիստի՝ պայմանագրում կա կետ, որ եթե նա խաղացել է մրցաշրջանում խաղերի 60 տոկոսը ապա ակումբը պետք է իրեն այդքան գումար վճարեր, ինչը չի եղել: Ավելին՝ նշվում է նաև, որ ֆուտբոլիստի փաստաբանները պահանջում են ևս 1.7 միլիոն եվրո՝ Լա լիգայի չեմպիոնության համար, որը ևս եղել է պայմանագրում:

«Բարսելոնայում» ֆուտբոլիստի այս մեղադրանքը չեն ընդունում ու կարծում են, որ այս քայլով Վիդալը ցանկանում է ստիպել ակումբին վաճառել իրեն հունվարին: Ավելի վաղ հաղորդվում էր, որ չիլիացուն ցանկանում է գնել «Ինտերը»:

Բաժանորդագրվեք Top-News.am-ին Telegram-ում