Մխիթարյանը կրկին խաղն ավարտեց հաղթանակով

Ֆուտբոլի Իտալիայի առաջնության 17-րդ տուրի առաջին խաղում Հենրիխ Մխիթարյանի Ռոման մրցակցի դաշտում 4:1 հաշվով հաղթեց Ֆիորենտինային եւ ամրապնդվեց չորրորդ տեղում:

Հայաստանի հավաքականի ավագը խաղադաշտ դուրս եկավ 76-րդ րոպեին, երբ հաշիվն արդեն 3:1 էր: Հռոմցիներից գոլերը խփել էին Ջեկոն, Կոլարովը եւ Պելիգրինին: Մխիթարյանի դաշտ դուրս գալուց հետո գոլ խփեց նաեւ Ձանիոլոն:

Հենրիխ Մխիթարյանը դաշտում անցկացրած մոտ քսան րոպեի ընթացքում բավական լավ տպավորություն թողեց եւ սրություն էր մտցնում թիմի խաղում:

Top-News.am