Ռոնալդուի ֆանտաստիկ գոլը մեմերի ստեղծման պատճառ է դարձել (լուսանկարներ)

«Յուվենթուսի» հարձակվող Կրիշտիանու Ռոնալդուն Իտալիայի առաջնության հերթական տուրի «Սամպդորիայի» հետ խաղում ֆանտաստիկ գոլի հեղինակ էր դարձել: Պորտուգալացին 45-րդ րոպեին, փոխանցում ստանալով Ալեքս Սանդրոյից, գլխի հարվածով գնդակն ուղարկել էր մրցակցի դարպասը:

Ինչպես հայտնում է Isport-ը, հղում անելով Football Italia-ին, պորտուգալացին հարվածի պահին ցատկել է 71 սմ: Ընդ որում` Ռոնալդուի գլուխն այդ պահին գտնվել է խաղադաշտից 265 սմ բարձրության վրա: Խաղից հետո հարձակվողն իրեն համեմատել է Մայքլ Ջորդանի հետ:

Սպասելի էր, որ հանդիպումից հետո համացանցում գոլի վերաբերյալ կհայտնվեն մեմեր: Օգտատերերը Ռոնալդուին համեմատում են սուպերհերոսի հետ և նրա գործողությունները պատկերում այդ ոճով: