Արգենտինայում ֆուտբոլային խաղը վերածվել է ծեծկռտուքի (տեսանյութ)

Արգենտինացի ֆուտբոլիստ Լուկաս Տորեսը 2 ոտքերով չափազանց կոպիտ սահանկում է կատարել Լուխանի (քաղաքը գտնվում է մայրաքաղաք Բուենոս Այրեսից 68 կմ հեռավորության վրա) առաջնության եզրափակիչ խաղի ժամանակ:

Տորեսի այդ գործողությանն անմիջապես արձագանքել են տուժածի թիմակիցները: Թիմերի ֆուտբոլիստների միջև ծեծկռտուք է սկսվել։

Միջադեպը գրանցվել է հանդիպման վերջին վայրկյաններին, երբ Լուկասի թիմը պարտվում էր 1-4 հաշվով: Ծեծկռտուքի ավարտից հետո հնչել է եզրափակիչ սուլիչը, և թիմերը լքել են խաղադաշտը: Ֆուտբոլիստները հանդերձարան ուղևորվելու ճանապարհին փոխադարձ վիրավորանքներ են հնչեցրել միմյանց հասցեին:

Սա առաջին դեպքը չէ, որ Տորեսը ֆուտբոլային մրցավեճի ժամանակ դրսևորում է ոչ մարզական պահվածք: Նա 2016 թվականին 24-օրյա որակազրկում էր ստացել մրցավարի վրա հարձակվելու համար: Ֆուտբոլիստին այդ ժամանակ վրդովեցրել էր մրցավարի՝ իրեն ցույց տված կարմիր քարտը: