«Բարսելոնան» կարողացավ մեկ միավոր վաստակել «Ռեալի» դեմ խաղում

Ֆուտբոլի Իսպանիայի առաջնությունում կայացավ հետաձգված «Բարսելոնա»-«Ռեալ» հանդիպումը, որն ավարտվեց գոլազուրկ ոչ-ոքիով: վերջին անգամ այս թիմերը 0:0 էիրն խաղացել 2002 թվականի նոյեմբերին:

Ինչ վերաբերում է այս խաղին, ապա մեկ միավոր վաստակելուց պետք է որ գոհ լինեն դաշտի տերերը՝ կատալոնացիները, որոնք ցուցադրեցին դժգույն եւ անդեմ խաղ:

Բավական է ասել, որ ամբողջ խաղի ընթացքում «Բարսելոնան» միայն չորս հարված է կատարել Կուրտուայի դարպասին եւ իրացրել ընդամենը երկու անկյունային՝ վեցի դիմաց:

Ավելին, «Ռեալը» բազմաթիվ գոլային պահեր ստեղծելուց բացի մեկ անգամ էլ գրավեց դաշտի տերերի դարպասը, բայց մրցավարները համատեղ ջանքերով ինչ-որ միլիմետրանոց խաղից դուրս հայտնաբերեցին:

Ոչ-ոքիից հետո թիմերը վաստակեցին 36-ական միավոր եւ գլխավորում են աղյուսակը՝ հինգ միավորով առաջ անցնելով Սեվիլիայից:

Top-News.am