Ադրբեջանում պայմանավորված հանդիպումների պատճառով որակազրկվել է 25 ֆուտբոլիստ

Ադրբեջանի ֆուտբոլային ֆեդերացիաների ասոցիացիան 6 ադրբեջանական ակումբների 25 խաղացողների զրկել է ֆուտբոլի հետ կապված որեւէ գործունեությամբ զբաղվելու իրավունքից պայմանավորված հանդիպումների հետ կապ ունենալու պատճառով, հայտնում է կազմակերպության մամուլի ծառայությունը։

Ասոցիացիայի կարգապահական կոմիտեն տվյալ որոշումն ընդունել է Ադրբեջանի առաջնության առաջին դիվիզիոնի եւ ռեգիոնալ լիգայի թիմերի մասնակցությամբ հանդիպումների հետ կապված կասկածելի դրվագների ուսումնասիրության արդյունքում։ Ասոցիացիան օգտագործել է նաեւ ՈւԵՖԱ-ից ստացած զեկույցներ։ 25 ֆոիտբոլիստներից բացի, որակազրկվել են նաեւ ակումբների երեք պաշտոնյաներ։

25 ֆուտբոլիստներից 17-ը ներկայացնում են «Ագսու» ակումբը։ Որակազրկվել են նաեւ այս ակումբի տնօրենը, աշխատակիցը եւ դարպասապահների մարզիչը։