«Բարսելոնան» ու «Ռեալը» Սուպերկլասիկոյից առաջ հանգրվանել են նույն հյուրանոցում

Մադրիդի «Ռեալն» ու «Բարսելոնան» Սուպերկլասիկոյից առաջ անվտանգության նկատառումներով հանգրվանել են նույն հյուրանոցում՝ «Կամպ Նոու» ստադիոնից 600 մետր հեռավորության վրա գտնվող Princesa Sofia-ում, հաղորդում է AS-ը։

Կատալոնիայի անկախության հանրաքվեին կողմ հանդես եկող Tsunami Democratic շարժումը խոստացել է հանդիպման օրը Բարսելոնայում անցկացնել բողոքի ցույցեր։

Հյուրանոցից ստադիոն թիմերը կմեկնեն առանց ակումբային տարբերանշանների ավտոբուսներով։

Իսպանիայի առաջնության 10-րդ տուրից տեղափոխված «Բարսելոնա» - «Ռեալ» հանդիպումը տեղի կունենա դեկտեմբերի 18-ին եւ կմեկնարկի Երեւանի ժամանակով 23։00-ին։