Զիդան․ Մեր թիմը գերազանց մարզավիճակում է

Մադրիդի «Ռեալի» ֆրանսիացի գլխավոր մարզիչ Զինեդին Զիդանը նախախաղային ասուլիսում խոսել է «Բարսելոնայի» հետ առաջիկա դիմակայության մասին։

«Մեր թիմը գերազանց մարզավիճակում է, մենք լավ ենք խաղում վերջին շրջանում, գոհ ենք մեր արածից։

Մենք չենք մտածում հանդիպման շուրջ ստեղծված իրավիճակի մասին։ Պետք է կենտրոնացնենք մեր էներգիան, որպեսզի լավ պատրաստվենք խաղին։ Ես ոչ մի բանի մասին չեմ անհանգստանում։ Բոլորս ուրախ ենք, որ կարող ենք դառնալ այս դիմակայության մասնակից։ Ես հիշում եմ իմ զգացողությունները, երբ ինքս էի խաղում Էլ Կլասիկոյում։

Մրցավարը պետք է լինի հանգսիտ, իսկ մենք պետք է թույլ տանք նրան կատարել իր աշխատանքը»,- Զիդանի խոսքը մեջբերում է Marca-ն։

Իսպանիայի առաջնության 10-րդ տուրից տեղափոխված «Բարսելոնա» - «Ռեալ» հանդիպումը տեղի կունենա դեկտեմբերի 28-ին եւ կմեկնարկի Երեւանի ժամանակով 23։00-ին։