Ռուսաստանցի մարզիկները 4 տարի միջազգային մրցաշարերի չեն մասնակցի

WADA-ի՝ Համաշխարհային հակադոպինգային գործակալության գործադիր կոմիտեն որոշել է չորս տարով զրկել Ռուսաստանին միջազգային մրցումների մասնակցությունից, այս մասին հաղորդում է  ТАСС-ը, հղում անելով WADA-ի մամուլի ծառայությանը: Ռուսաստանցի մարզիկները միջազգային մրցաշարերի կարող են մասնակցել միայն չեզոք դրոշի տակ, իսկ միջազգային մրցաշարերի մասնակցության իրավունք կունենան միայն այն մարզիկները, որոնք դոպինգային սկանդալների հետ առնչություն չունեն:

Ռուսաստանի հակադոպինգային կազմակերպությունը գործադիր կոմիտեի որոշմամբ, զրկվել է կարգավիճակից՝ հակադոպինգային օրենսգիրքը չպահպանելու համար: Բացի այդ, Ռուսաստանը կորցրել է աշխարհի առաջնությունները հյուրընկալելու և դրանց համար դիմելու հնարավորությունը:

Ռուսաստանի Օլիմպիական կոմիտեի եւ Պարաօլիմպիական կոմիտեի աշխատակիցներին եւ ղեկավարությանը 4 տարով արգելված է միջազգային սպորտային միջոցառումներին մասնակցելը: 

Top-News.am