Զվերև․ Հուսով եմ՝ Ֆեդերերը առաջիկա տարիներին չի ավարտի կարիերան

Գերմանացի թենիսիստ Ալեքսանդր Զվերևը խոսել է շվեյցարացի թենիսիստ Ռոջեր Ֆեդերերի կարիերան ավարտելու հավանականության մասին:

«Ֆեդերերի գնալով՝ մենք կկորցնենք ոչ միայն մեծագույն թենիսիստի, այլ նաև անկրկնելի մարդու կորտում և դրանից դուրս։ Նա այնպես է շփվում երկրպագուների ու մյուս մարդկանց հետ, որ ես հպարտանում եմ իր հետ իմ ունեցած ընկերությամբ։

Հուսով եմ՝ դա (Ֆեդերերի կարիերան ավարտելը) տեղի չի ունենա առաջիկա տարիներին։ Սակայն երբ բա որոշի կախել ռակետը, կարծում եմ՝ բոլորը հարգանքով կվերաբերվեն այդ որոշմանը։ Նա թենիսի համար արել է ամեն ինչ, ինչ իր ուժերի սահմաններում է։ Նա տուրի ամենահարգված խաղացողն է»,-Զվերևի խոսքերն է մեջբերում Tennis World USA-ը։