Մեսին շրջանցեց Ռոնալդուին Լա Լիգայում ձևակերպած հեթ-տրիկների քանակով

Ինչպես արդեն տեղեկացրել ենք, «Բարսելոնան» Իսպանիայի Լա Լիգայի 16-րդ տուրում սեփական հարկի տակ 5-2 հաշվով առավելության է հասել «Մալյորկայի» նկատմամբ:

Կատալոնական թիմի հարձակվող Լիոնել Մեսին դարձել է հեթ-տրիկի հեղինակ: Մեկական անգամ հաջողության են հասել Անտուան Գրիզմանը և Լուիս Սուարեսը:

Այդպիսով, արգենտինացին շրջանցել է «Յուվենտուսի» ներկայիս հարձակվող Կրիշտիանու Ռոնալդուին Լա Լիգայում ձևակերպած հեթ-տրիկների քանակով: Այս մասին հաղորդում է OptaJose-ն: Մեսիի ակտիվում գրանցված է 35 հեթ-տրիկ, մինչդեռ պորտուգալացին Մադրիդի «Ռեալում» ելույթների ժամանակ 3-ական գոլ էր խփել 34 մրցավեճում:

Հիշեցնենք՝ Ռոնալդուն «Արքայական ակումբում» հանդես է եկել 2009-2018թթ․, ինչից հետո տեղափոխվել Ապենինյան թերակղզի:

Մեսին Իսպանիայի Լա Լիգայի ընթացիկ առաջնությունում մասնակցել է 10 հանդիպման՝ դառնալով 12 գոլի ու 5 արդյունավետ փոխանցման հեղինակ: