Եվրո-2020-ի ընթացքում Գիգզը կարգելի Բեյլին գոլֆ խաղալ

Ֆուտբոլի 2020թ. Եվրոպայի առաջնության ընթացքում Ուելսի ազգային հավաքականի գլխավոր մարզիչ Ռայան Գիգզը կարգելի թիմի հարձակվող Գարեթ Բեյլին գոլֆ խաղալ:

«Եվրոպայի առաջնության կարգի մրցաշարերում ֆուտբոլիստները պետք է կենտրոնացած լինեն միայն ու միայն ֆուտբոլի վրա:

Վերջին շրջանում Բեյլը հասկացնել է տվել, որ սիրում է գոլֆ խաղալ, սակայն Եվրո-2020-ի ընթացքում դա նրան անել չի հաջողվի»,- Գիգզի խոսքը փոխանցում է The Times-ը:

Հիշեցնենք, որ Եվրո-2020-ի խմբային փուլում Ուելսի հավաքականն ընդգրկված է A խմբում, որտեղ Ռայան Գիգզի գլխավորած հավաքականի մրցակիցներն են Թուրքիան, Իտալիան և Շվեյցարիան:

Եվրոպայի առաջնության Եզրափակիչ մրցաշարը տեղի կունենա հունիսի 12-ից հուլիսի 12-ը Սանկտ Պետերբուրգում, Հռոմում, Ամստերդանում, Լոնդոնում, Գլազգոյում, Բաքվում, Բուդապեշտում, Մյունխենում, Կոպենհագենում, Դուբլինում, Բիլբաոյում, Բուխարեստում։