Նոր մանրամասներ Ֆինլանդիայի բանտում հայտնված հայ երկրպագուի մասին

Եվրո-2020-ի՝ հոկտեմբերի 15-ին կայացած Ֆինլանդիա-Հայաստան խաղի ժամանակ տեղի ոստիկանության կողմից բերման ենթարկված հայ երկրպագու Երվանդ Իսմայիլյանը մինչ օրս գտնվում է ֆիննական բանտում։

Դատական նիստը նշանակված էր նոյեմբերի 28-ին, սակայն, ինչպես ArmSport-ի թղթակիցը տեղեկացավ երկրպագուների Առաջին հայկական ճակատ (FAF) շարժման հիմնադիր Սերգեյ Ջանջոյանից, դատը մի քանի օրով հետաձգվել է․

«Դատը հետաձգվել է, բայց փաստաբանը վստահեցրել է, որ նոյեմբերի 28-ից սկսած 2 շաբաթվա ընթացքում Երվանդը պետք է Հայաստանում լինի»,- ասաց Սերգեյ Ջանջոյանը։

Հիշեցնենք՝ միջադեպը տեղի էր ունեցել ֆինների առաջին գոլից հետո։Երկու թիմերի՝ կողք-կողքի տեղակայված երկրպագուների շրջանում, ի դեպ ֆին երկրպագուների թվում մեծ թիվ են կազմել թուրքերը, կրքերը թեժացել են, սկսվել է քաշքշոց ու ստեղծված իրավիճակը հանդարտեցնելու համար Երվանդը ճայթրուկ է վառել, բոլորը հանգստացել են։ Բայց Ֆինլանդիայի հավաքականի՝ ազգությամբ թուրք երկրպագուն ավելի ուշ բողոք է ներկայացրել ոստիկանություն՝ իբր մարմնական վնասվածքներ է ստացել։