Զիդան․ Սա շատ կարեւոր արդյունք է, ես գոհ եմ

Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է 2։1 հաշվով հաղթանակը «Ալավեսի» դեմ Իսպանիայի առաջնության 15-րդ տուրի արտագնա խաղում։

«Մենք շատ լավ սկսեցինք հանդիպումը, բայց այս ստադիոնում պետք է պայքարել մինչեւ վերջ, ինչը մենք արեցինք։ Գերազանց աշխատանք կատարեցինք, վաստակեցինք 3 միավոր շատ բարդ արտագնա խաղում։ Սա շատ կարեւոր արդյունք է, ես գոհ եմ։

Մրցաշրջանը երկար է, Լա Լիգայից բացի ունենք այլ մրցաշարեր։ Պետք է օգտագործել կազմի բոլոր խաղացողներին»,- Զիդանի խոսքը մեջբերում է Marca-ն։

«Ռեալը» 14 խաղից հետո 31 միավորով գլխավորեց մրցաշարային աղյուսակը։ 13 հանդիպում անցկացրած «Բարսելոնան» ունի 28 միավոր։