Ռեալն անցկացրեց այս մրցաշրջանի լավագույն խաղը, բայց չհաղթեց

Ֆուտբոլի Չեմպիոնների լիգայի խաղարկության խմբային փուլի հինգերորդ տուրի առաջին ութ խաղում թիմերը միասին վերցրած խփեցին 25 գոլ: Ամենահետաքրքիր խաղը տեղի ունեցավ Մադրիդում, որտեղ Ռեալ-Պարի Սեն Ժարմեն հանդիպումն ավարտվեց 2:2 հաշվով, այն դեպքում, երբ գրեթե ամբողջ խաղի ընթացքում մադրիդցիները բացահայտ առավելություն ունեին, հաղթում էին 2:0 հաշվով, բայց հետո երկու գոլ բաց թողեցին, իսկ ամենավերջում Բեյլի տուգանային հարվածից հետո գնդակը դիպավ դարպասաձողին:

A խմբի մյուս խաղում Գալաթասարայի սեփական դաշտում 1:1 հաշվով ավարտեց հանդիպումը Բրյուգեի հետ:

Պարի Սեն Ժարմենը եւ Ռեալն անկախ վերջին տուրի արդյունքներից կխաղան հաջորդ փուլում, իսկ Բրյուգեն եւ Գալաթասարայը կփորձեն գրավել երրորդ տեղը:

B խմբում Բավարիան Բելգրադում 5:0 հաշվով հաղթեց Ցրվենա Զվեզդային, իսկ Տոտենհեմը Մոուրինիոյի գլխավորությամբ 2:0 հաշվով պարտվելուց հետո կարողացան հաղթել 4:2 հաշվով:

Բավարիան եւ Տոտենհեմն ապահովեցին հաջորդ փուլում խաղալու իրավունքը, իսկ մյուս թիմերը կպայքարեն Եվրոպայի լիգայում խաղալու համար:

C խմբում Ատալանտան 2:0 հաշվով հաղթեց Դինամո Զագրեբին, իսկ Մանչեսթեր Սիթին 1:1 խաղաց Շախտյորի հետ: 

Մանչեսթեր Սիթին անկախ վերջին տուրի հանդիպումից ապահովեց առաջին տեղը: Այժմ վեց միավորով երկրորդ տեղում Շախտյորն է: Զագրեբցիներն ունեն հինգ, իսկ Ատալանատան՝ չորս միավոր:

D խմբում Մոսկվայի Լոկոմոտիվը սեփական դաշտում 2:0 հաշվով պարտվեց գերմանական Բայերին, իսկ Թուրինի Յուվենտուսը 1:0 հաշվով հաղթեց Մադրիդի Ատլետիկոյին:

Այս խմբում առաջին տեղն ապահովեց Յուվենտուսը: Յոթ միավորով երկրորդ տեղում Մադրիդի Ատլետիկոն է, իսկ երրորդը վեց միավորով Բայերն է:

Top-News.am