Երբ գործին խառնվում են բուքմեյքերները

Սկսվեցին ֆուտբոլի Եվրոպայի առաջնության ընտրական փուլի հերթական տուրի հանդիպումները: Երեկ խաղեր տեղի ունեցան A, B, եւ H խմբերում, ընդորում, առավել մեծ հետաքրքրություն էր ներկայացնում երկու խաղ, քանի որ մյուս բոլոր հանդիպումներում թիմերի ուժերի հարաբերակցությունը միմյանցից խիստ տարբերվում էր եւ հաղթողին նախապես կռահելը դժվարություն չէր ներկայացնում:

A խմբում սկզբունքային նշանակություն ուներ Չեխիա- Կոսովո խաղը, քանի որ կարող էր որոշվել երկրորդ տեղի հարցը: Նույն նշանակությունը ուներ H խմբում Թուրքիա-Իսլանդիա հանդիպումը:

Չեխերին մեծ դժվարությամբ հաջողվեց հաղթել 2:1 հաշվով եւ նրանք ապահովեցին երկրորդ տեղը եւ մասնակցությունը Եվրոպայի առաջնությանը, իսկ թուրքերը կարողացան 0:0 խաղալ եւ նույնպես նվաճեցին եզրափակիչ փուլում խաղալու իրավունքը:

Ինչ վերաբերում է մյուս խաղերին, ապա A խմբում Անգլիան մոռացավ ջենթլմենութան մասին եւ Չեռնոգորիային հաղթեց 7:0 հաշվով, B խմբում պորտուգալացիները 7:0 հաշվով հաղթեցին Լիտվային, իսկ Սերբիան մուկնուկատու խաղալով Լյուքսեմբուրգի հետ հաղթեց 3:2 հաշվով:

Իսկ H խմբում բավական տարօրինակ իրադարձություններ տեղի ունեցան: Ալբանիան, որն արդեն կորցրել էր երկրորդ տեղը գրավելու հնարավորությունը, բայց անհամեմատ ուժեղ է Անդորրայից, վերցրեց եւ ոչ-ոքի՝ 2:2 հաշվով ավարտեց հանդիպումը:

Ֆրանսիան անգամ 1:0 հաշվով պարտբում էր Մոլդովային, այն էլ սեփական դաշտում, իսկ հաղթական գոլը 11 մետրոնոց հարվածով խփեցին միայն խաղի ավարտից 11 րոպե առաջ:

Հիմա ինչպես չասես, որ այսպես լինում է, երբ գործին խառնվում են բուքմեյքերները: Անդորրան, որ անցած ութ խաղերում, այդ թվում եւ Մոլդովայի հետ հանդիպումներում խփել էր մեկ գոլ, հիմա կարողացավ մեկ խաղումը երկու գոլ խփել, այն էլ մրցակցի դաշտում, իսկ Ֆրանսիան, հանկարծ, հսկայական ջանքեր է գործադրում թույլիկ Մոլդովային հաղթելու համար:

Top-News.am