Ռոնալդուի վարսահարդարին սպանված են գտել շվեյցարական հյուրանոցում

Ռիկարդո Մարկես Ֆերեյրային՝ Թուրինի «Յուվենուսի» հարձակվող Կրիշտիանու Ռոնալդուի գլխավոր վարսահարդարին, սպանված են գտել Ցյուրիխի հյուրանոցում: Այս մասին հայտնում է Armsport.am–ը՝ հղում անելով Mundo Deportivo-ին:

Դանակի կտրվածքներով պատված նրա մարմինը հայտնաբերել է հյուրանոցի աշխատակիցը նոյեմբերի 2-ին, երբ ցանկացել է մաքրել Ֆերեյրայի սենյակը: Նրա խոսքով, վարսավիրի մարմինը գտնվել է արյունոտ անկողնում, սենյակում նաև ալկոհոլի հոտ է զգացվել:

Դեռևս հայտնի չէ, թե ով է կատարել հանցագործությունը: Ոստիկանությունը հետաքննություն է սկսել ու փնտրում է մեղավորներին:

Ռիկարդո Մարկեսը վերջին 2 տարիներին ապրելիս է եղել Շվեյցարիայում: Բացի Ռոնալդուից, նրա հաճախորդներն են եղել նաև պորտուգալացի մոդելներ ու դերասաններ: