Հակաիրավական մտածողությունը դեռ շարունակվում է. Ռուբեն Մելիքյանը՝ Ֆինանսների փոխնախարարի հայտարարության մասին
Շատ տարակուսած եմ նման մեկնաբանություն լսելով. ինձ համար սա վատ անակնկալ էր, որ Ֆինանսների փոխնախարար Արման Պողոսյանը մատուցեց մեր հանրությանը, Aysor.am-ի հետ զրույցում ասաց իրավապաշտպան Ռուբեն Մելիքյանը՝ անդրադառնալով Հարկային օրենսգրքի փոփոխություններին նվիրված հանրային քննարկման ժամանակ վերջինիս հնչեցրած այն հարցադրմանը, թե ազգովի պետք է սուբսիդավորե՞նք հանցագործներին։
Հիշեցնենք՝ Արման Պողոսյանը քննարկման ժամանակ հայտարարել էր, որ եթե փաստաբանական ծառայություններն ազատվեն ավելացված արժեքի հարկից կամ նրանց համար սահմանվի ցածր հարկային բեռ, այդ հարկային բեռից բոլորն են օգտվելու՝ այդ թվում՝ հանցագործները։
ՀՀ փաստաբանների պալատի նախագահ Արա Զոհրաբյանն իր հերթին հակադարձել էր, որ ցավալի է, երբ պաշտոնատար անձը մեղադրվող անձին հանցագործ է անվանում. «Դա արդեն իսկ լուրջ վերաբերմունք է և լուրջ պիտակավորում է», - նշել էր նա։
Ռուբեն Մելիքյանի կարծիքով, խոսքն այստեղ ոչ այնքան և ոչ միայն բառերին է վերաբերում, որքան դրանց թիկունքում ընկած իրավաքաղաքական հայացքներին և փիլիսոփայությանը։
«Ինձ համար նաև պարզ դարձավ մեկ հարցի պատասխան, թե վերջապես ինչու ոչնչից ծնվեց այս նախագիծը։ Կարծես թե ձևակերպված նման հանրային պահանջ չկար, չէր երևում, թե այստեղ ինչ քաղաքականություն էր իրականացվում, թե ինչին է արձագանքում կառավարությունը։ Չմոռանանք ընդգծել, որ խոսքը վերաբերում է փաստաբաններին և մի քանի այլ խմբերի ընդհանուր կարգավորումներից դուրս բերելուն և փաստաբանների նկատմամբ հատուկ բացասական կարգավորումներ ձևավորելուն։ Չմոռանանք, որ գործ ունենք ոչ թե արտոնությունը վերացնելու, այլ եղած ընդհանուր վիճակից փաստաբաններին դուրս բերելու և նրանց նկատմամբ խտրական մոտեցում կիրառելու հետ», - ասաց իրավապաշտպանը։
Նա որպես նախագծի առաջացման պատճառ նշեց հետևյալ համոզմունքը. Ֆինանասների նախարարությունում ինչ-որ մարդիկ գտնում են, որ փաստաբանները հանցագործների հետ են աշխատում, և պետությունը չպետք է «սուբսիդավորի հանցագործներին»։
«Այս մոտեցումը, մեղմ ասած, անընդունելի է, և դրան պետք է շատ խիստ արձագանքել։ Անընդունելի է արժեքաբանական տեսանկյունից, անընդունելի է այն տեսանկյունից, որ, իմ կարծիքով, ինչ-որ կարմիր գծեր էինք անցել, և մտածողության հետդարձ այլևս չկար, բայց մենք տեսնում ենք, որ հակաիրավական մտածողությունը դեռ շարունակում է իր գոյությունն առանձին շրջանակներում։ Մենք անընդհատ ստիպված ենք պարզագույն ճշմարտություններ ապացուցել։ Մենք պետք է վաղուց փակած լինեինք նման մտածողության էջը, բայց արի ու տես, որ չենք փակել։ Մենք այնքան կարևոր խնդիրներ ունենք... գտնվում ենք լրջագույն մարտահրավերների, ռեսուրսների մոբիլիզացիայի անհրաժեշտության առջև, բայց ստիպված ենք նման հարցերով զբաղվել, ինչը լուրջ չէ», - ասաց Ռուբեն Մելիքյանը։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Միխայիլ Մուդրիկը հակադոպինգային կանոնները խախտելու համար որակազրկվել է 4 տարով