Կուսակցականացնե՞լ ոստիկանությունը, թե ոչ
Միանշանակ է, որ պետական մարմինները պետք է լինեն խորհրդարանական վերահսկողության ներքո, բայց դա չի նշանակում, որ դրա ճանապարհը այդ կառույցները նախարարություն դարձնելն է: Այս մասին այսօր՝ հունվարի 30-ին, լրագրողների հետ զրույցում նշեց ՀՀ վարչապետ Նիկոլ Փաշինյանը՝ անդրադառնալով կառավարության կառուցվածքային փոփոխություններին եւ ԱԱԾ-ն ու ոստիկանությունը նախարարություն դարձնելու քաղաքական ուժերի պահանջին:
«Ինչ է նշանակում դարձնել նախարարություն, դա նշանակում է, որ ոստիկանության պարագայում քաղաքական դեմք պետք է նշանակվի այդ ուժային կառույցի ղեկավար: Սրանից բխում է, որ այդ ուժային կառույցը ուղղակիորեն կամ անուղղակիորեն կուսակցականացվելու է: Այսօրվա կարգավորման արդյունքում ոստիկանության եւ ընդհանրապես իրավապահ համակարգի կայունությունը որոշակիորեն պահպանվել է: Այսինքն այնտեղ կադրային փոփոխությունները լինում են շատ բալանսավորված, հանգիստ, որ համակարգի կայունությունը չխաթարվի: Իսկ նախարարը հայեցողական պաշտոն է, կարելի է ցանկացած մեկին նշանակել այդ ուժային կառույցի ղեկավար:
Այս դեպքում կան որոշակի չափանիշներ. Պետք է ոստիկանության բարձրաստիճան պաշտոնյա լինի, ոստիկանությունում աշխատած եւ այլն»,-ընդգծեց Փաշինյանը՝ հավելելով, որ համաձայն է տեսակետին, որ այդ կառույցները պետք է լինեն խորհրդարանական վերահսկողության ներքո:
Նա նկատեց, որ վերջին տարիներին առաջին անգամ բացառիկ դեպք է տեղի ունեցել, երբ ԱԱԾ տնօրենն անձամբ գնացել եւ բյուջեի կատարողականի քննարկումներին մասնակցել է:
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
ԵՔՀ 8-րդ գագաթնաժողովի բացման արարողությունը Երևանում. ուղիղ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԱՄՆ-ի գործողությունները Հորմուզի նեղուցում փակուղի են. Արաղչի
Բելգիայի դեսպանության բացման պաշտոնական արարողություն՝ Երևանում