Չեմ բացառում, որ կարող են լինել նաև 150% պարգևավճար ստացած մարդիկ. Երևանի փոխքաղաքապետ
Չեմ բացառում, որ կարող են լինել նաև 150 % պարգևավճար ստացած մարդիկ: Այս մասին «Ազատություն» ռադիոկայանի հետ զրույցում հայտարարել է Երևանի փոխքաղաքապետ Հայկ Սարգսյանը:
«Ո՞վ ասաց, որ 100 տոկոսից ավելի պարգևավճար չեն կարող ստանալ: Խնդիրն այլ է, եթե մենք խոսում ենք աշխատավարձի ֆոնդի վերաբաշխման մասին որպես պարգևատրում, ապա այո, այստեղ 100 տոկոսը չի կարող անցնել: Եթե խոսում ենք հստակ պլանավորված պարգևատրման ֆոնդի մասին և դրա վերաբաշխման, ապա պարգևատրման ֆոնդը կարող է նախատեսված լինել 500 տոկոսի և 500 տոկոս էլ բաշխվեր»,- նշել է փոխքաղաքապետը:
Հիշեցնենք, որ Երևանի քաղաքապետ Հայկ Մարությանն Ամանորից առաջ համակարգի 1628 աշխատակիցների պարգևատրել է ընդհանուր 474 միլիոն դրամի չափով։
Քաղաքապետարանը հայտնել է, որ պատրաստ է հրապարակել պարգևատրումների անվանական ցանկը, եթե Արդարադատության նախարարությունը եզրակացություն տա, որ այդ հրապարակումը չի հակասում անձնական տվյալների պաշտպանության վերաբերյալ օրենսդրությանը։
«Մենք հրապարակել չենք կարող, որովհետև մեր դիրքորոշումը հաստատվել է Արդարադատության նախարարության կողմից, որ այդ տվյալներն անհատական են և հրապարակվել չեն կարող, եթե չկա անձի համաձայնությունը»,- ասել է Հայկ Սարգսյանը:
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
ԵՔՀ 8-րդ գագաթնաժողովի բացման արարողությունը Երևանում. ուղիղ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Բելգիայի դեսպանության բացման պաշտոնական արարողություն՝ Երևանում
Էլեկտրաէներգիայի ընդհատումներ կլինեն Երևանում և մարզերում