«Ռեալը» վերջապես գեղեցիկ հաղթանակ տարավ

Ֆուտբոլի Իսպանիայի առաջնության՝ Լա Լիգայի 20-րդ տուրում Մադրիդի «Ռեալը» սեփական հարկի տակ ընդունեց երրորդ տեղում ընթացող «Սեվիլիային»:

Մադրիդում դաշտի տերերն ամբողջ խաղի ընթացքում ունեին տարածքային եւ խաղային հսկայական առավելություն եւ չէր զգացվում, որ մրցում են իրենցից մեկ աստիճան վեր գտնվող թիմի հետ: 

«Ռեալի» ճնշումը արդյունք տվեց միայն խաղավերջում, երբ խաղադաշտում հայտնվեց Իսկոն:

78-րդ րոպեին Կազեմիրոն հեռահար փայլուն հարվածով դարձավ գեղեցիկ գոլի հեղինակ: Մրցավարի ավելացրած 2-րդ րոպեին էլ Լուկա Մոդրիչը կրկանապատկեց հաշիվը ու հաղթանակ պարգեւեց իր թիմին 2:0 հաշվով:

«Ռեալն» այս խաղից հետո 36 միավորով մրցաշարային աղյուսակի 3-րդ հորիզոնականում է: 

«Մեզ այսպիսի հանդիպում էր պետք: Հրաշալի խաղ անցկացրինք: Իշխում էինք բոլոր առումներով: Հասանք մեր նպատակին:

Գոհ ենք, սակայն հաշիվը կարող էր խոշոր լինել: Մենք ցանկանում էինք հաղթանակ տանել երկրպագուների աչքի առաջ:

Երբեմն ֆուտբոլն անարդար է, քանի որ այն հիմնվում է միայն արդյունքի վրա: Մենք երկրպագուների հետ նույն նավի մեջ ենք: Այսօր թե՛ մենք, եւ թե՛ նրանք գոհ են»,- Ռամոսի խոսքն է մեջբերում Marca-ն:

Top-News.am