Գուֆի նախկին սիրուհուն «Դոմ 2»-ից դուրս են արել ՄԻԱՎ-ի տարածման պատճառով

Յանա Շեւցովան, ով հայտնի է դարձել ռեփեր Գուֆի հետ սիրավեպի շնորհիվ, վերջերս հայտնվել էր ամենասկանդալային «Դոմ 2» նախագծում։ Կարճ ժամանակ անց 18-ամյա աղջկան մեղադրել են ՄԻԱՎ վարակի տարածման մեջ, ինչից հետո ռեալիթի շոուի ղեկավարությունը շիկահեր աղջկան դուրս անելու որոշում է կայացրել։ 

Ահազանգել է «Դոմ 2»-ի աստղ Լերա Ֆրոսթը, ով կտրուկ արտահայտություններ է արել ռեալիթի շոուսի եւ դրա մասնակցի մասին։

«Այսօր այն հազվադեպ օրերից է, երբ ես հեռուստացույց եմ միացնում։ Ուզում եմ ասել, որ ես առաջին անգամ ամաչում են «Դոմ 2»-ում լինելու համար։ Այսպիսի կեղտ, էժանագին պահվածք եւ դեգրադացիա երբեք չեմ տեսել։ Նոր մասնակիցների բերել շոու առանց որոշակի հիվանդությունների վերաբերյալ տեղեկանքների չափազանց է։ Ղեկավարությունն արդեն տեղյակ է այս մասին։ Հույս ունեմ՝ ժամանակին եմ խոսում դրա մասին։ Թեեւ մարդիկ, ովքեր աշխատում են կադրից դուրս, իսկապես հանճար են, եւ ես նրանց անսահման հարգում եմ, պաշտոնապես հայտարարում եմ՝ այլեւս չեմ հայտնի որեւէ թոք շոում։ «Դոմ 2»-ն այլեւս այն չէ։ Հիմար մարդկանց, էժանագին աղջիկների եւ անգործության մատնված տղամարդկանց հավաքատեղի։ Խայտառակություն»,- իր Instagram-ում գրել է նա։

 Սկզբնական շրջանում հասկանալի չէր՝ ինչու է Ֆրոսթը կտրուկ արտահայտվում «հարազատ» հեռուստանախագծի մասին։ Ավելի ուշ պարզ դարձավ, որ խնդիրը նախագծի նոր մասնակիցն է՝ Յանա Շեւցովան, ում նկատի ուներ Լերան բժշկական տեղեկանքի մասին խոսելիս։ Լերան վաղուց իմացել է Յանայի հիվանդության մասին. ըստ լուրերի՝ նա վարակված է ՄԻԱՎ-ով, ինչի պատճառով Լերան նախագծի ղեկավարությանը խնդրել է ստուգել աղջկան։

«Կարեւոր չէ՝ ով եւ ինչպես է տեղեկատվությունը հասցրել ինձ։ Ես ղեկավարությանը պարզապես խնդրել եմ ստուգել հիվանդության առկայությանը։ Տեսնելով եթերում նրա պահվածքը՝ ես հասկացա, որ նա քնելու է բոլոր հետ՝ վտանգի ենթարկելով մասնակիցներին։ Որքանով ինձ հայտնի է, նրան նախագծից դուրս են արել տղայի հետ, ում հետ ինտիմ կապ է ունեցել։ Կարծես թե տեղեկատվությունը հաստատվել է»,- Starhit-ին պատմել է Լերան։

Ի դեպ, Յանան «Դոմ 2»-ում հայտնվել էր Զախար Սալենկոյի սիրտը գրավելու համար, ում հետ երկար ժամանակ լուրջ հարաբերություններ է ունեցել նախագծի արդեն նախկին մասնակիցը։ Հենց այդ պատճառով նա չի կարողացել անտարբեր մնալ։ 

«Իմ պարտքն եմ համարում նախկին ընկերոջս զգուշացնել վտանգի մասին։ Այդ մասին ասել եմ նրա մայրիկին, ում հետ լավ հարաբերություններում ունեմ։ Կարծում եմ, որ ռեալիթի շոուի բոլոր մասնակիցներին հարկավոր է բժշկական տեղեկանքներ տալ՝ լուրջ խնդիրներից խուսափելու համար»,- եզրափակել է նա։

Յանա Շեւցովան դեռեւս ոչ մի կերպ չի մեկնաբանել սկանդալային շոուից հեռանալը։