Աթենքում անարխիստները կարմիր ներկով լի շշեր են նետել ԱՄՆ դեսպանատան վրա
Հունաստանի մայրաքաղաք Աթենքում անարխիստները հարձակում են գործել ԱՄՆ դեսպանատան շենքի վրա, «Ռուբիկոն» կոչվող խմբավորումը կարմիր ներկով լի շշեր է նետել շենքի ուղղությամբ, գրում է «ՌԻԱ Նովոստի» գործակալությունը:
Խմբավորման անդամներն ԱՄՆ-ին մեղադրում են մի շարք երկրների, այդ թվում՝ Հունաստանի ներքին գործերին միջամտելու համար:
«Այն ժամանակից ի վեր, երբ նրանք դարձան բրիտանացիների ժառանգորդները՝ որպես աշխարհաքաղաքական շախմատային տախտակի վրա այս կարևոր տարածքի հովանավորներ՝ «դեսպանությունը» հունական կառավարության որոշումների վերաբերյալ հավանության տրման ոչ պաշտոնական կենտրոնն է հանդիսանում», - ասված է խմբավորման տարածած հաղորդագրության մեջ:
Մեկ այլ պարբերական նկատել է, որ ԱՄՆ դեսպանատունը հանդիսանում է Աթենքի ամենալավ պահպանվող տարածքներից մեկը:
«Տասնյակ մարդիկ մոտոցիկլետներով մոտեցել են դեսպանատան շենքին ու միաժամանակ ներկով լի շշեր ու ծխային ռումբեր նետել»,- գրում է «Պրոտո տեմա» պարբերականը՝ նկատելով, որ ծխային ռումբերը նրանք օգտագործել են, որպեսզի շրջակայքի անվտանգության տեսախցիկները չկարողանան ֆիքսել իրենց:
Նույն աղբյուրը հայտնում է, որ «Ռուբիկոն»-ի անդամները ներկով են պատել նաև դեսպանության մուտքը, որը պահպանվում է դիվանագիտական ներկայացուցչության անվտանգության կողմից:
Հայտնի է, որ միջադեպից հետո արդեն ձերբակալվել է 8 մարդ:
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Էլեկտրաէներգիայի ընդհատումներ կլինեն Երևանում և մարզերում