Սուլշերը 1946-ի ցուցանիշ է գրանցել «Մանչեսթեր Յունայթեդում»

«Մանչեսթեր Յունայթեդի» նորանշանակ գլխավոր մարզիչ Ուլե-Գունար Սուլշերը ռեկորդային ցուցանիշ է կրկնել անգլիական Պրեմյեր լիգայի 21-րդ տուրում «Նյուքասլի» նկատմամբ 2:0 հաշվով հաղթանակի շնորհիվ:

Նորվեգացի մասնագետը «Մանչեսթեր Յունայթեդի» երկրորդ գլխավոր մարզիչն է, որի գլխավորությամբ թիմը Պրեմյեր լիգայում մեկնարկում է 4 հաղթանակով: Նախկինում դա հաջողվել էր միայն Մեթ Բասբիին (1946 թվականին), փոխանցում է Opta-ն:

Նախորդ 3 խաղերում «Մանչեսթեր Յունայթեդը» հաղթել էր «Բորնմութին» (4:1), «Կարդիֆին» (5:1) եւ «Հադերսֆիլդին»(3:1).

Հիշեցնենք, որ Ուլե-Գունար Սուլշերը «Մանչեսթեր Յունայթեդի» հետ պայմանագիր է կնքել մինչեւ այս մրցաշրջանի ավարտը: Վերջերս նա փոխարինել էր Ժոզե Մոուրինյոյին, որը անգլիական ակումբը գլխավորում էր 2016 թվականից: Այդ ընթացքում «Մանչեսթեր Յունայթեդը» նվաճել էր Անգլիայի Սուպերգավաթը, Անգլիական լիգայի գավաթը եւ Եվրոպայի լիգայի հաղթողի կոչումը: Պորտուգալացի մասնագետի պայմանագիրը նախատեսված էր մինչեւ 2020 թվականի հուլիսը:

Ուլե-Գունար Սուլշերը 2015 թվականից աշխատում էր նորվեգական «Մոլդեում», որը գլխավորել էր նաեւ 2011-2014-ը: 2014-ին նա աշխատել է նաեւ ուելսյան «Կարդիֆում»: Ֆուտբոլային կարիերայի ընթացքում նորվեգացի նախկին հարձակվողը «Մանչեսթեր Յունայթեդում» խաղացել է 1996-2007-ը: