Ռոնալդուն Ինստագրամում առաջինն ունեցավ 150 միլիոն հետեւորդ

Թուրինի «Յուվենտուսի» պորտուգալացի հարձակվող Կրիշտիանու Ռոնալդուի հետեւորդների թիվը Ինստագրամում հասել է 150 միլիոնի, ինչը ռեկորդ է: Երկրորդ տեղում է երգչուհի Սելենա Գոմեսը՝ 144,5 միլիոն, երրորդ տեղում է երգչուհի Արիանա Գրանդեն՝ 141,3 միլիոն:

Մարզիկներից երկրորդը ՊՍԺ-ի բրազիլացի հարձակվող Նեյմարն է՝ 108,9 միլիոն, «Բարսելոնայի» արգենտինացի հարձակվող Լիոնել Մեսին երրորդն է՝ 105,1 միլիոն:

Իտալիայի առաջնության եւ Չեմպիոնների լիգայի ընթացիկ մրցաշրջանում Ռոնալդուն «Յուվենտուսի» հետ մասնակցել է 24 հանդիպման, խփել է 15 գոլ, կատարել 7 գոլային փոխանցում: