ԽՍՀՄ փլուզման պատճառն ըստ Թրամփի

ԱՄՆ նախագահ Դոնալդ Թրամփը հայտարարել է, որ ԽՍՀՄ-ի փլուզման պատճառը Աֆղանստանում պատերազմն էր, հաղորդում է Лента.Ру-ն` վկայակոչելով Fox News հեռուստաալիքի եթերում ամերիկյան առաջնորդի արած հայտարարությունը:

«Ռուսաստանը Խորհրդային Միություն էր: Աֆղանստանն էր, որ նրանից Ռուսաստան ստացավ, քանի որ նրանք սնանկացան՝ պայքարելով Աֆղանստանի դեմ», - նկատել է ամերիկյան առաջնորդը:

Նա հավելել է, որ Մոսկվան ճիշտ է վարվել, երբ սկսել է ռազմական գործողությունները թալիբներից եկող ահաբեկչական սպառնալիքի պատճառով: Թրամփը նաեւ նշել է, որ Աֆղանստանում, բացի ԱՄՆ-ից եւ Ռուսաստանից, իրավիճակը կարգավորում են Հնդկաստանը եւ Պակիստանը:

Դեկտեմբերի 29-ին հաղորդվել էր, որ Վաշինգտոնը թողնելու է իր զորքերն Իսլամական Հանրապետությունում՝ չնայած մինչ այդ լրատվամիջոցները լուրեր էին տարածել այնտեղից ամերիկյան բանակի մի մասի դուրս բերման մասին:

Աֆղանստանի տարածքում (1979-1989թթ․) խորհրդային զորքերի մնալու 10 տարիների ընթացքում, ըստ պաշտոնական տվյալների, սպանվել է ԽՍՀՄ-ի ավելի քան 15 հազար զինվոր: Ավելի քան 53 հազար մարդ վիրավորվել է, ինչի արդյունքում ավելի քան 10 հազարը հաշմանդամ է դարձել: Աֆղանստանում քաղաքացիական պատերազմը շարունակվեց Խորհրդային զորքերի դուրսբերումից հետո էլ: