Ալեքս Ֆերգյուսոնը կվերադառնա «Մանչեսթեր Յունայթեդ»

«Մանչեսթեր Յունայթեդի» նախկին գլխավոր մարզիչ սըր Ալեքս Ֆերգյուսոնը կվերադառնա թիմ, որպեսզի դառնա գլխավոր մարզչի ժամանակավոր պաշտոնակատար Ուլե-Գունար Սուլշերի խոհրդականը:

 Այս մասին հայտնում է The Sun-ը:

 Աղբյուրի փոխանցմամբ, 76-ամյա մասնագետը մտադիր է օգնել Սուլշերին ՄՅՈւ-ին վերադարձնել չեմպիոնական տիտղոսը:

 Նշվում է, որ Ժոզե Մոուրինյուի հեռանալուց հետո Ֆերգյուսոնը նպաստել է Սուլշերի նշանակմանը: Նա նաև նպաստել է իր նախկին օգնական Մայք Ֆելանի վերադարձին անգլիական ակումբ:

 Սուլերը դեկտեմբերի 18-ին է նշանակվել ՄՅՈւ-ի գլխավոր մարզչի պաշտոնակատար մինչև ընթացիկ մրցաշրջանը:

 Որպես ֆուտբոլիստ` նորվեգացին մանկունիացիների կազմում հանդես է եկել 1996-ից 2007 թվականներին: «Կարմիր սատանաների» կազմում նա դարձել է Անգլիայի 6-ակի չեմպիոն և Չեմպիոնների լիգայի հաղթող:

 Ֆերգյուսոնը «Մանչեսթեր Յունայթեդը» գլխավորել է 1986-ից 2013 թվականներին: Այդ ընթացքում շոտլանդացին թիմի հետ 38 տիտղոս է նվաճել բոլոր մրցաշարերում: