Աբրահամ Լինքոլնի սուրբծննդյան նամակը աճուրդում 60 հազար դոլարով է վաճառվել

ԱՄՆ նախկին նախագահ Աբրահամ Լինքոլնի նամակը, որ գրվել է 1863 թվականին՝ Սուրբ ծննդից ոչ շատ առաջ, վաճառվել է աճուրդում։ Արտեֆակտը 60 հազար դոլարով գնել է երկրի հյուսիս-արեւմուտքից անանուն գնորդը՝ տեղեկացնում է Americaru-ն։

Իրականում դա հասարակ նամակ չէ։ Այն անցագիր է եղել Լինքոլնի հարազատների համար, ինչպես նաեւ քաղաքացիական պատերազմից պառակտված երկիրը հաշտեցնելու նրա մտադրության արտահայտությունը։ Նախագահը գրել է իր զարմիկի ընտանիքին, որը նախկինում Արկանզասում ստրկատիրական պլանտացիա է ունեցել, սակայն Միության ուժերի կողմից նահանգի գրավումից հետո փախել է հարավ։ Եւ արդեն ոչ երիտասարդ մարդիկ ուզեցել են վերադառնալ տուն, ու Լինքոլնը ստորագրել է ուղերձ, որը թույլ է տվել նրա հարազատներին բարեհաջող անցնել հյուսիսցիների ուժերի միջով եւ Սուրբ ծննդից հետո տուն հասնել։