Կանադայի ՌՕՈՒ-ն որսացել է Սանտա Կլաուսի՝ եղնիկներին լծված սահնակները

Կանադայի և ԱՄՆ-ի ՌՕՈՒ-ի կործանիչները վերահսկում են Սանտա Կլաուսի՝ եղնիկներին լծված կախարդական սահնակների թռիչքը իրենց երկրների տարածքում: Այս մասին հայտնել են Հյուսիսային Ամերիկայի աերոտիեզերական պաշտպանության միացյալ հրամանատարությունում:

Սանտան արդեն եղել է աշխարհի գրեթե բոլոր երկրներում, իսկ այժմ նրա լծասարքը Հյուսիսային Ամերիկայում է՝ Կանադայի Նյուֆաունդլենդ կղզու շրջանում:

Թռիչքի ժամանակ Սանտային դիմավորել են Կանադայի ՌՕՈՒ-ի CF-18 կործանիչները: ԱՄՆ սահմանը հատելուց հետո սահնակները կվերահսկեն արդեն ամերիկացի զինծառայողները: Սանտա Կլաուսն ավելի քան 4.7 մլրդ նվեր է բաժանել:

Ամբողջ աշխարհում Սանտայի տեղաշարժին հետևելը սկսվել է դեկտեմբերի 24-ին: Առաջինը նվերներ են ստացել Ավստրալիայի և Նոր Զելանդիայի երեխաները, հետո Ձմեռ պապիկը եղել է Ճապոնիայում, Չինաստանում, Հնդկաստանում, Աֆրիկայի, Եվրոպայի երկրներում, Գրենլանդիայում և Ռուսաստանում:

Սանտայի տեղաշարժին հետևում են 1955-ից: Նրա երթուղու մասին կարելի է տեղեկանալ www.noradsanta.org կայքում: