Արաս Օզբիլիսի վիճակագրությունն ու գնահատականը

Whoscored.com-ը ներկայացրել է «Վիլլեմ Երկրորդի» եւ Հայաստանի հավաքականի կիսապաշտպան Արաս Օզբիլիսի վիճակագրությունը «Էմմենի» դեմ Հոլանդիայի առաջնության 17-րդ տուրի խաղում:

Օզբիլիսը դարպասին կատարել է երեք հարված, մեկը դարձել է գոլային: Հայ ֆուտբոլիստի 27 փոխանցումից 66.7 տոկոսը հասել է թիմակիցներին: 28-ամյա ֆուտբոլիստը մեկական անգամ հաղթող է դուրս եկել օդային պայքարում, հաջողությամբ շրջանցել է մրցակցին, խլել է գնդակը: Արասը կանոնները չի խախտել, նրա դեմ գրանցվել է մեկ խախտում:

Օզբիլիսը ստացել է 7.37 գնահատականը, իսկ «Վիլլեմ Երկրորդում» ամեբարձրը գնահատվել է հոլանդացի պաշտպան Ֆրեեկ Հեերկենսի խաղը՝ 7.87:

Հիշեցնենք, որ «Վիլլեմ Երկրորդը» հաղթել է 2:0 հաշվով, 85 րոպե անցկացրած Օզբիլիսը հաշիվը բացել է 42-րդ րոպեին: