Թուրք երիտասարդի հետ ամուսնանալու համար Ալիսան մեկ մլն ռուբլի վարկ է վերցրել

Մոսկվայի բնակչուհին մեկ մլն ռուբլի վարկ է վերցրել Թուրքիայի քաղաքացու հետ ամուսնանալու համար:

Ինչպես հայտնում է Life.ru-ն՝ հղում անելով Mash Telegram-ալիքին, 29-ամյա մոսկվաբնակ Ալինան ծանոթությունների կայքերից մեկում շփվել է Ստամբուլում բնակվող Իմին անունով երիտասարդի հետ: Նրանց միջև բուռն զգացմունքներ են առաջացել, և տղամարդը կնոջն ամուսնության առաջարկություն է արել: Սակայն նրա խոսքով՝ իր հարուստ հորեղբայրն իրեն թույլատրել է ամուսնանալ միայն հարուստ կնոջ հետ:

Տղայի հորեղբոր հավանությանն արժանանալու համար Ալինան բանկ է գնացել և մեկ մլն ռուբլի վարկ վերցրել, այնուհետև գումարը փոխանցել է տաքսու վարորդին, որին ուղարկել էր Իմինը:

Աղբյուրի հաղորդմամբ՝ դրանից հետո երիտասարդն այլևս կապի դուրս չի եկել, իսկ աղջիկն այժմ ստիպված է մարել խոշոր վարկը: