Սալահն ատոմային ռումբի նման վտանգավոր է. Ժոզե Մոուրինյու
«Մանչեսթեր Յունայթեդի» գլխավոր մարզիչ Ժոզե Մոուրինյուն Անգլիայի Պրեմիեր լիգայի 17-րդ տուրի՝ «Լիվերպուլի» հետ խաղից առաջ գովաբանել է մրցակցի հարձակվող Մոհամեդ Սալահին:
«Սալահը բոլոր առումներով անհավանական առաջընթաց է գրանցել: Ժամանակին նա արագ էր, սակայն թույլ, իսկ հիմա իսկական տղամարդ է դարձել: Մոհամեդը հոգեբանորեն պատրաստ չէր խաղալ մեծ ակումբում, երբ առաջին անգամ տեղափոխվեց Պրեմիեր լիգա:
Հիշում եմ՝ ինչպես նրան խաղաժամանակ տվեցի «Ուայտ Հարտ Լեյնում» և «Էտիհադում», բայց այդ խաղերը նրա համար շատ մեծ փորձություն էին: Այժմ նա պատրաստ է խաղալ ամենուր և ցանկացած թիմի դեմ:
Սալահը ֆանտաստիկ ֆուտբոլիստ է և ընդհանրապես նման չէ այն տղային, որի տրանսֆերը «Չելսին» ձեռք բերեց «Բազելից»: Նա հեռանկարային ֆուտբոլիստ էր, իսկ հիմա աշխարհում լավագույններից մեկն է:
Բոլոր խաղերից առաջ ուսումնասիրում ենք մրցակցին, փորձում ենք հասկանալ նրա ուժեղ և թույլ կողմերը: Երբ պատրաստվում ես «Լիվերպուլի» հետ խաղին, հասկանում ես, որ այս թիմի ուժեղ կողմերը շատ են, իսկ Սալահն ատոմային ռումբի վտանգ է ներկայացնում»,- Մոուրինյուի խոսքը մեջբերել է Goal.com-ը:
Հավելենք, որ «Լիվերպուլ»-«Մանչեսթեր Յունայթեդ» հանդիպումը կայանալու է այսօր, մեկնարկը՝ Երևանի ժամանակով 20:00-ին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Բելգիայի դեսպանության բացման պաշտոնական արարողություն՝ Երևանում