Բարսելոնան 100 հազար եվրոյով է տուգանել Դեմբելեին մարզումից ուշանալու համար

«Բարսելոնայի» ֆրանսիացի հարձակվող Ուսման Դեմբելեն տուգանվել է 100 հազար եվրոյով կատալոնական թիմի մարզումից ուշանալու համար, հայտնում է L՛Equipe-ը: 

Աղբյուրի փոխանցմամբ, ակումբն այդ մասին պաշտոնապես չի հայտարարել, որպեսզի ավելորդ աժիոտաժ չստեղծի Դեմբելեի շուրջ Չեմպիոնների լիգայի խմբային փուլի 6-րդ տուրի` «Տոտենհեմի» հետ խաղից առաջ (1:1): 

Այդ խաղում, հիշեցնենք, ֆրանսիացին գոլի հեղինակ է դարձել:

 Հիշեցնենք` Դեմբելեն քնած է մնացել և մոտ երկու ժամ ուշացել «Բարսելոնայի» մարզումից, որը կայացել է Իսպանիայի առաջնության հերթական տուրի` «Էսպանյոլի» հետ խաղի (4:0) հաջորդ օրը: Ավելի վաղ հաղորդվում էր, որ Դեմբելեն տուգանվել է 50 հազար եվրոյով: 

Ավելի վաղ նա մարզումից ուշացել էր տեսախաղերի պատճառով, իսկ հետո փորձել էր արդարանալ վատ ինքնազգացողությամբ: 

Ընթացիկ մրցաշրջանում 21-ամյա Դեմբելեն Պրիմերայի 14 հանդիպման է մասնակցել, որոնցում դարձել է 6 գոլի և 3 գոլային փոխանցման հեղինակ: