«Արսենալը» կողմնորոշվել է Օզիլի տրանսֆերային արժեքի հարցում

«Արսենալի» գերմանացի կիսապաշտպան Մեսութ Օզիլը ձմեռային տրանսֆերային պատուհանի ժամանակ կարող է հեռանալ լոնդոնյան ակումբից:

Daily Express-ի համաձայն՝ 30-ամյա ֆուտբոլիստին ցանկանում է ձեռք բերել իտալական «Ինտերը»: Օզիլի ու «Արսենալի» իսպանացի գլխավոր մարզիչ Ունաի Էմերիի հարաբերությունները լարված են, եւ անգլիական ակումբը որոշել է քննարկել կիսապաշտպանի տրանսֆերի վերաբերյալ առաջարկները: Նշվում է, որ «Արսենալը» պատրաստ է 28 միլիոն եվրոյով վաճառել գերմանացուն:

Օզիլը 2013 թվականին Մադրիդի «Ռեալից» է տեղափոխվել «Արսենալ», որը 47.5 միլիոն եվրո էր վճարել նրա տրանսֆերի դիմաց: