Նոր սկանդալ՝ Ֆեյսբուքում. ձայնագրվել են օգտատերերի խոսակցությունները

Միջազգային ԶԼՄ-ներն արդեն քանի օր է քննարկում են Facebook-ի արժեթղթերի կտրուկ անկումը: Facebook-ի արժեթղթերն ընկել են մինչև 9.5 միլիարդ դոլար:

Արժեթղթերի անկման պատճառն օգտատերերի տվյալների արտահոսքի հետ կապված նոր սկանդալն էր: Դրա հետևանքով հանրայնացվել է Facebook-ի մի քանի ղեկավարների անձնական նամակագրությունը, որով նրանք քննարկում են այն միջոցները, որով պետք է դուրս մղեն իրենց մրցակիցներին օգտատերերի համար պայքարից:

Գաղտնազերծված խոսակցությեւններից պարզ է դառնում, որ 2015 թվականին ընկերությունը փորձել է օգտատերերի հեռախոսային խոսակցությունների և հաղորդագրությունների հասանելիություն ստանալ՝ ծրագրի հնարավորություններն ավելի հասանելի դարձնելու պատրվակով:

Facebook-ի հիմնադիր Մարկ Ցուկերբերգն արդեն մեկնաբանել է տեղի ունեցածը՝ նշելով, որ խոսակցությունների մեծ մասը դուրս է կոնտեքստից: