Ձկնորսը 4 մլն դոլար ընդհանուր արժողությամբ կոկաին է «որսացել»
Ձկնորսը Մարշալյան կղզիների Կվաջալեյն կոչվող կորալային կղզում 4 մլն դոլար ընդհանուր արժողությամբ 48 կգ կոկաին է «որսացել», հաղորդում է RNZ ռադիոկայանը:
Ռադիոկայանի տվյալներով՝ անցած շաբաթ տեղացի բնակիչը ձկան փոխարեն կարթի մեջ պրոֆեսիոնալ կերպով փաթեթավորված սպիտակ փոշով լի փաթեթներ է հայտնաբերել, որից հետո անմիջապես զանգահարել է ոստիկանություն:
Մարշալյան կղզիներում համապատասխան լաբորատորիա չլինելու պատճառով ոստիկանությունը դիմել է ԱՄՆ դեսպանատուն՝ փորձաքննության նպատակով թմրամիջոցների շրջանառության դեմ պայքարի բաժնի աշխատակիցներին ուղարկելու խնդրանքով:
Ինչպես հայտարարել է ոստիկանության փոխկոմիսար Ռոբսոն Ալմանը՝ հետագա պարզաբանման նպատակով գործը քննչական վարչություն է հանձնվել: Նա ընդգծել է, որ չի կարող հաստատել, թե արդյոք փաթեթներում իսկապես կոկաին է եղել:
Ռադիոկայանը նշում է, որ նման «գտածոները» Մարշալյան կղզիներում հազվադեպ երևույթ չեն: Ամենաաղմկահարույց դեպքը տեղի է ունեցել 2004թ.-ին, երբ ափամերձ տարածքում հարյուրավոր կիլոգրամ կոկաին էր հայտնաբերվել:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն