Բեռլինում իսլամական կոնֆերանսի մասնակիցներին խոզի միս են հյուրասիրել

Բեռլինում 12-րդ Գերմանական իսլամական կոնֆերանսի մասնակիցներին առաջարկել են որպես խորտիկ խոզի մսից երշիկ, հայտնում է Die Welt-ը:

Խորտիկը նկատել է լրագրող Թունքայ Օզդամարը, որը Twitter-ի իր էջում հրապարակել է միջոցառման լուսանկարներ: Ճաշացանկում կրկին խոզի միս էր, առաջարկել են արյունոտ երշիկ: Ի՞նչ է ուզում դրանով ասել ներքին գործերի նախարարությունը: Լավ կլիներ հարգանք ցուցաբերել մուսուլմանների նկատմամբ, որոնք չեն ուտում խոզի միս, գրել է նա:

Ինչպես նշում է Die Welt-ը, Գերմանիայում բնակվող մուսուլմանական համայնքների հետ եկխոսության հաստատման և նրանց ինտեգրման հարցերով կոնֆերանսի մասնակիցներին առաջարկվել են 13 տեսակի խորտիկներ, ընդ որում խոսի մսից երշիկի վրա չկային նշումներ:

Նշվում է, որ միջոցառման կազմակերպիչ Գերմանիայի ներքին գործերի դաշնային նախարարությունն արդեն ներողություն է հայտնել բոլոր նրանց, որոնց զգացմունքները վնասված էին: