«Արսենալը» սկզբունքային եւ կարեւոր խաղում հաղթեց «Տոտենհեմին»

Ֆուտբոլի Անգլիայի Պրեմիեր լիգայի առաջնության 14-րդ տուրում Լոնդոնի «Արսենալը» սկզբունքային խաղում 4:2 հաշվով հաղթեց «Տոտենհեմին», երբ առաջին խաղակեսից հետո պարտվում էր 2:1 հաշվով:

Առաջինը հաշիվը 11 մետրոնոց հարվածով բացեց «Արսենալի» հարձակվող Պիեռ Էմերիկ Օբամեյանգը: 

30-34-րդ րոպեների ընթացքում, երկու ստանդարտների խաղարկման արդյունքում հյուրերը կարողացան նույնիսկ հաշվի մեջ առաջ անցնել: Նախ տուգանայինի խաղարկումից հետո Դայերին հաջողվեց հավասարեցնել հաշիվը, իսկ երկու րոպե անց մրցավարը որոշեց 11 մետրոնոց հարված նշանակել, որն իրացրեց Քեյնը:

Երկրորդ խաղակեսի հենց սկզբում Մխիթարյանի եւ Իվոբիի փոխարեն խաղադաշտ մտան Լակազեթն ու Ռեմզին, որոնք էլ մեծապես փոխեցին խաղի ընթացքը, թեեւ դա չէր նշանակում, որ Մխիթարյանը եւ Իվոբին վատ էին խաղում:

Ռեմզին կատարեց երկու գոլային փոխանցում, իսկ Լակազետը դարփավ գոլի հեղինակ: Իսկ մյուս երկու գոլերը երկրորդ խաղակեսում խփեցին Օբամեյանգը եւ Տորեյրան:

Այս կարեւոր հաղթանակից հետո «Արսենալը» վաստակեց 30 միավոր, շրջանցեց «Տոտենհեմին» եւ հայտնվեց 4-րդ տեղում:

Top-News.am