Ի՞նչ է ակնկալում Կրեմլը Պուտին-Թրամփ հանդիպումից
Բուենոս Այրեսում G20-ի առաջնորդների առաջիկա գագաթաժողովում բազմաթիվ խնդիրներ են ծագելու, երբ Ռուսաստանի և ԱՄՆ-ի նախագահները հանդիպեն: Այս մասին գրում է Carnegie փորձագիտական կենտրոնի Մոսկվայի մասնաճյուղի տնօրեն Դմիտրի Տրենինը:
Տրենինը փորձել է բացատրել, թե ինչու է Ռուսաստանի նախագահ Վլադիմիր Պուտինն այդքան ցանկանում սիրաշահել ԱՄՆ-ի նախագահ Դոնալդ Թրամփին: Նրա խոսքով` ինչպես Ռուսաստանի բոլոր նախագահները, Պուտինը ևս ցանկանում է արտոնյալ հարաբերություններ ունենալ ԱՄՆ-ի նախագահի հետ, ինչը կխորհրդանշի Ռուսաստանի կարևոր աշխարհաքաղաքական դերը: ԱՄՆ-ի հետ հարաբերություններում Պուտինը պահանջում է հավասարը հավասարին վերաբերմունք և հարգանք Ռուսաստանի շահերի նկատմամբ:
Տրենինը գրում է, որ Պուտինն ու Թրամփը խոսում են միևնույն` ազգային շահերի լեզվով: Թրամփը ակտիվորեն խախտում է Սառը պատերազմից հետո հաստատված և ԱՄՆ-ի գլխավորած համաշխարհային ազատական կարգը, որը Պուտինը նույնպես կտրականապես մերժում է: Կրեմլը վստահ է, որ երկու երկրների միջև ամուր տնտեսական կապերը կբարձրացնեն Ռուսաստանի վարկանիշն ԱՄՆ-ում:
Ինչ վերաբերում է Թրամփի հանդեպ Կրեմլի վերաբերմունքին, ապա փորձագետը կարծում է, որ վերջին երկու տարիներին Ռուսաստանի ակնկալիքները հիմնականում չեն արդարացվել: Իհարկե, Կրեմլը հասկանում է, որ ԱՄՆ-ի ներքին քաղաքական խառնաշփոթը թույլ չի տալիս Թրամփին ազատ գործել, և նա հավանաբար ցանկանում է Ռուսաստանի հետ կայուն հարաբերություններ հաստատել: Սակայն Պուտինը հույսը չի դրել նրա վրա, որ Թրամփի շնորհիվ կարող են հանվել Ռուսաստանի դեմ կիրառվող պատժամիջոցները:
Տրենինը գրում է, որ Միջին և փոքր հեռահարության հրթիռների վերացման համաձայնագրից ԱՄՆ-ի դուրս գալը Կրեմլի համար այնքան էլ զարմանալի չէր, քանի որ արդեն մի քանի տարի է, ինչ երկրները փոխադարձ մեղադրանքներ են հնչեցնում համաձայնագիրը խախտելու վերաբերյալ: Եվ Ռուսաստանը գոհ է այն փաստից, որ համաձայնագրի խափանման մեղադրանքներն ուղղվում են ԱՄՆ-ի դեմ: Դրանով նաև բարդանում են ԱՄՆ-ի և ՆԱՏՕ-ի մյուս անդամների հարաբերությունները, իսկ Ռուսաստանի պաշտպանության ոլորտի պաշտոնյաները, որոնք տարիներ շարունակ պնդում էին, որ պայմանագիրը Ռուսաստանի ազգային շահերից չի բխում, այժմ՝ Թրամփի որոշումից հետո, ավելի վստահ են դարձել:
Մինչդեռ Պուտինը պնդում է Վաշինգթոնի հետ երկխոսության գնալու անհրաժեշտությունը, քանի որ այդպիսով հնարավոր կլինի պարզել, թե ինչ է պատրաստվում անել ԱՄՆ-ն համաձայնագրից դուրս գալուց հետո: ՌԴ նախագահը չի երազում համաձայնագիրը փրկելու մասին, քանի որ այն հավանաբար արդեն գոյություն չունի, սակայն նա ցանկանում է դիտվել որպես համաձայնագրի պաշտպան և պատրաստ լինել ԱՄՆ-ի ցանկացած քայլի:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ