ՖԻՖԱ-ի դասակարգման աղյուսակ. Հայաստանի հավաքականը նույն տեղում է

ՖԻՖԱ-ն հրապարակել է ազգային հավաքականների նոր վարկանիշային աղյուսակը:

 Հայաստանի ազգային հավաքականի դիրքը չի փոխվել. մեր ընտրանին, ինչպես նախորդ ամիս, այս անգամ ևս զբաղեցնում է 101-րդ հորիզոնականը: Մեր ընտրանու ակտիվում կա 1222 վարկանիշային միավոր:

 Ազգերի լիգայի խաղարկությունում Հայաստանի հավաքականի մրցակից Ջիբրալթարի հավաքականը մեր ընտրանուց 2-6 հաշվով կրած պարտությունից հետո նահանջել է 4 հորիզոնականով և այժմ զբաղեցնում է 194-րդ հորիզոնականը (905 միավոր):

Լիխտենշտեյնի ընտրանին, որի հետ Հայաստանի ազգային հավաքականը ոչ-ոքի (2-2) է խաղացել Ազգերի լիգայի խմբային փուլի վերջին տուրում, առաջադիմել է մեկ տեղով և այժմ 181-րդն է (937):

 Վարկանիշային աղյուսակը գլխավորում է Բելգիան: Աշխարհի գործող չեմպիոն Ֆրանսիայի ընտրանին երկրորդ հորիզոնականում է, իսկ Բրազիլիայի ընտրանին եզրափակում է լավագույն եռյակը:

 ՖԻՖԱ, վարկանիշային աղյուսակի առաջին տասնյակը

1. Բելգիա (1727 միավոր)
2. Ֆրանսիա (1726)
3. Բրազիլիա (1676)
4. Խորվաթիա (1634)
5. Անգլիա (1631)
6. Պորտուգալիա (1614)
7. Ուրուրգվայ (1609)
8. Շվեյցարիա (1599)
9. Իսպանիա (1591)
10. Դանիա (1589)

 Ամբողջական ցանկին կարող եք ծանոթանալ ՖԻՖԱ-ի պաշտոնական կայքում: