Ֆալկաոն շարունակում է անհաջող 11 մետրանոցների շարքը Չեմպիոնների լիգայում

«Մոնակոյի» կոլումբացի հարձակվող Ռադամել Ֆալկաոն իր նախկին ակումբ Մադրիդի «Աթլետիկոյի» դեմ Չեմպիոնների լիգայի խմբային փուլի 5-րդ տուրի խաղում չի կարողացել անվրեպ իրացնել 11 մետրանոց հարվածը:

Մադրիդում կայացած խաղում 32-ամյա ֆուտբոլիստը փոխարինման է դուրս եկել երկրորդ խաղակեսի սկզբնամասում, իսկ 83-րդ րոպեին վրիպել է 11 մետրանոցից: Դա Չեմպիոնների լիգայում Ֆալկաոյի երրորդ անհաջող 11 մետրանոցն էր երրորդ փորձից, փոխանցում է Opta-ն:

Մինչեւ այս Ֆալկաոն Չեմպիոնների լիգայում 11 մետրանոցից վրիպել էր նաեւ «Տոտենհեմի» (2016-ի նոյեմբերին) ու «Մանչեսթեր Սիթիի» (2017-ի փետրվարին) դեմ խաղերում:

«Աթլետիկոյին» «Մոնակոն» պարտվել էր 0:2 հաշվով: