Որքան են վաստակում «Բարսելոնայի» եւ «Ռեալի» ֆուտբոլիստները

Կատալոնական «Բարսելոնայի» խաղացողները տարեկան միջինը վաստակում են մոտ 12 միլիոն եվրո։ Այս մասին հայտնում է «ՏԱՍՍ» լրատվական գործակալությունը։ Ըստ Global Sports Salaries Survey-ի փորձագետների, կատալոնական ակումբը անվիճելի առաջատարն է ֆուտբոլային ակումբների շարքում իր բարձր աշխատավարձներով։ Իսկ ահա արքայական ակումբի խաղացողները ստանում են տարեկան մոտ 10 միլիոն եվրո։ Մարզական ակումբների շարքում բավական բարձր են վճարվում նաեւ «Օքլոհոմա Սիթի Թանդերի» եւ «Գոլդեն Սթեյթ Ուորիորզի» խաղացողները՝ միջինը 9 միլիոն եվրո տարեկան։ Swiss Ramble-ն էլ գրում է, որ անցյալ սեզոնին կատալոնացիների ակումբը մոտ կես միլիարդ եվրո է ծախսել իր խաղացողներին վճարելու համար, իսկ նման թիվ աշխատավարձների, ոչ ոք չունի ակումբներից։