Հենրիխ Մխիթարյանը թիմակիցների հետ մասնակցել է երեխաներին աջակցող ակցիայի

Լոնդոնի «Արսենալը» թվիթերյան էջում հրապարակել է տեսանյութ, որը նվիրված է երեխաների պաշտպանությանը ջեմպերի սուրբծննդյան օրվա շրջանակում: Տեսահոլովակում նկարահանվել են Հայաստանի հավաքականի կիսապաշտպան Հենրիխ Մխիթարյանը, չեխ դարպասապահ Պետր Չեխը եւ անգլիացի հարձակվող Դենի Ուելբեկը: Ջեմպերի սուրբծննդյան օրն Անգլիայում ամեն տարի նշվում է որեւէ ուրբաթ: Ակցիայի կազմակերպիչ Save the Children ընկերությունը զբաղվում է ամբողջ աշխարհում երեխաներին օգնելով՝ պայքարելով նրանց կրթություն ստանալու, առողջության, բռնությունից խուսափելու եւ այլ հարցերի համար: Ակցիային մասնակցելու համար անհրաժեշտ է «զոհաբերել» 2 ֆունտ ստերլինգ եւ հագնել սվիտեր: Հիշեցնենք, որ Պրեմյեր լիգայի 12-րդ տուրից հետո «Արսենալը» 24 միավորով 5-րդն է եւ 3 միավոր է հետ չորրորդ տեղում գտնվող «Տոտենհեմից»: Անգլիայի առաջնությունում լոնդոնյան ակումբը հաջորդ հանդիպումը կանցկացնի նոյեմբերի 25-ին՝ հյուրընկալվելով «Բորնմութին»: Վերջերս Հենրիխ Մխիթարյանը Հայաստանի հավաքականի կազմում մասնակցել էր Ջիբրալթարի (6:2) եւ Լիխտենշտեյնի (2:2) դեմ Ազգերի լիգայի խմբային փուլի խաղերին:

Տեսանյութը՝ այստեղ