11-ամյա չինուհին հավակնում է դառնալ աշխարհի ամենաբարձրահասակ աղջիկ երեխան

Տասնմեկամյա չինուհի Ժան Ցիուն՝ 210 սմ հասակով, հավակնում է դառնալ աշխարհի ամենաբարձրահասակ աղջիկ երեխան, գրում է dailymail.co.uk-ը:

Աղջիկը բարձր հասակը ժառանգել է ծնողներից, որոնք նույնպես բարձրահասակ են՝ 2 և ավելի մետր: Աղջկա հասակը պաշտոնապես գրանցված չէ Գինեսի ռեկորդների գրքում, և նրա ընտանիքը ռեկորդի հայտ դեռևս չի ներկայացրել: 

Ժան Ցիուն ուսման մեջ աչքի է ընկնում բարձր առաջադիմությամբ, ընկերասեր է, երազում է դառնալ պրոֆեսիոնալ բասկետբոլիստուհի:

Գինեսի ռեկորդների գրքում գրանցված աշխարհի ամենաբարձրահասակ աղջիկը 12-ամյա անգլուհի Սոֆի Հոլլինսն է`189 սմ հասակով: